Irakurgaiei buruzko lanak egiteko pausoak

Aurkeztuko duzun lanak honako zatiak izango ditu:

   
           

                                                               

1.    Azala:

• Zure datuak:
• Kodea eta taldea.
• Data eta ebaluazioa.
• Ikasgaia. 

• Liburuaren datuak:
• Liburuaren izenburua.
• Idazlearen izena.
• Argitaletxea.

2.    Lehenengo orrialdean: Argumentua. (50 hitz) + Irudi bat.

·         Argumentua obraren hari nagusiaren kontaketa laburra da. Argumentuan ez dira azaldu behar gertakizun guztiak. Argumentua, gainera, gertakizunen hari ordenatua izaten da, nahiz eta obran aldrebestua egon.

3.    Bigarren orrialdean: Laburpena. (200 hitz)

a.     Liburuaren laburpena ondoko eskema jarraituz:

HASIERAKO EGOERA > ARAZOA – EKINTZAK – ONDORIOA > AMAIERAKO EGOERA

4.    Hirugarren orrialdean: Iritzia. (200 hitz)

a)    Iritzia ematerakoan puntu hauek izango dituzu kontuan:

·         alderdi interesgarriak

·         alderdi negatiboak

·         ondorioa, balorazio orokorra

 

b)    Ideiak gehitzeko honako antolatzaileak erabiliko dituzu: gainera, eta, baita ere, alde batetik, bestalde…

c)     Ideiak kontrajartzeko honako antolatzaileak erabiliko dituzu: hala ere, hala eta guztiz ere, dena den, edonola ere…

d)    Ondorioak adierazteko honako antolatzaileak erabiliko dituzu: beraz, laburbilduz, hau guztia dela eta, ondorioz, horrela, honela ba, horregatik, hori horrela delarik…

BOOK TRAILER LEHIAKETAN BOTOA!

Book Trailer Lehiaketan botoa emateko aukera maiatzaren 16a arte

Martxoaren 24tik maiatzaren 16ra arte book trailerrik onenen aldeko botoa emateko aukera izango da Liburu Gaztea Book Trailer Lehiaketan. Horretarako, lehendabizi Liburu Gaztearen webgunean sartu (www.galtzagorri.org/liburu-gaztea/2013-2014) eta book trailerrak ikusi. Ondoren, BOZKATU atala klikatu eman zure botoa. E-mail bakoitzarekin behin bakarrik bozka daiteke, baina aukera bakar horretan kategoria bakoitzeko boto bana eman daiteke.

Gure ikasleen lanak hauek dira:

2. mailako taldeak:

• Betiguk
• Bizardun txoriak
• Capero
• Gerbiñi
• IE
• Izarrak
• JMSO
• Loretxoak
• Pin pan pun
• Pompa

 3. mailako taldeak:

• Enarak
• Izurdeak
• Muskerrak
• Pandak
• Satorrak
• Sugeak

Bozkatzeko urratsak hauek dira:

1. Aukeratu Norbanakakoa

2. Aukeratu Ikastetxekakoa

3. Datuak bete

Beraz, hiru urratsetan eman daiteke botoa. Urrats bakoitza bete edo hutsik utzi ondoren (ez baita derrigorrezkoa bi kategoriatan botoa ematea), hurrengo urratsera pasatzeko JARRAITU klikatu behar da. Amaitzeko "Datuak bete" dioen hirugarren urratsean e-mail bat idatzi behar da. Bertan aurrez emandako botoa baieztatzeko mezua jasoko du boto-emaileak. Hori baieztatzean botoa emanda geratuko da.

Modu horretan email bakoitzarekin behin bakarrik bozkatu ahal izango da.

Botoa emateak saria izan dezake: bozkatzen duten guztien artean e-irakurgailu bat zozkatuko da.

ANIMATU ETA PARTE HARTU!

Aditz TRINKOAK

Hona hemen gelan landutako aditz trinkoak eta azterketan sartuko direnak, hau da, NOR aditzak: 

	EGON	JOAN	ETORRI	IBILI
ORAINA	nago hago dago gaude zaude zaudete daude	noa hoa doa goaz zoaz zoazte doaz	nator hator dator gatoz zatoz zatozte datoz	nabil habil dabil gabiltza zabiltza zabiltzate dabiltza
IRAGANA	nengoen hengoen zegoen geunden zeunden zeundeten zeuden	nindoan hindoan zihoan gindoazen zindoazen zindoazten zihoazen	nentorren hentorren zetorren gentozen zentozen zentozten zetozen	nenbilen henbilen zebilen genbiltzan zenbiltzan zenbiltzaten zebiltzan

Gogoratu, IZAN aditza ere ager daitekeela, baina hori badakizue, ezta?

Beste hauek aurreragorako utziko ditugu, NOR-NORK formak:

	EDUKI	JAKIN	EKARRI	ERAMAN
ORAINA	dau(z)kat dau(z)kak dau(z)ka dau(z)kagu dau(z)kazu dau(z)kazue dau(z)kate	daki(zki)t daki(zki)k daki(zki) daki(zki)gu daki(zki)zu daki(zki)zue daki(zki)te	dakar(tza)t dakar(tza)k dakar(tza) dakar(tza)gu dakar(tza)zu dakar(tza)zue dakar(tza)te	darama(tza)t darama(tza)k darama(tza) darama(tza)gu darama(tza)zu darama(tza)zue darama(tza)te
IRAGANA	neu(z)kan heu(z)kan zeu(z)kan geneu(z)kan zeneu(z)kan zeneu(z)katen zeu(z)katen	neki(zki)en heki(zki)en zeki(zki)en geneki(zki)en zeneki(zki)en zeneki(zki)ten zeki(zki)ten	nekar(re/tza)n hekar(re/tza)n zekar(re/tza)n genekar(re/tza)n zenekar(re/tza)n zenekar(tza)ten zekar(tza)ten	nerama(tza)n herama(tza)n zerama(tza)n generama(tza)n zenerama(tza)n zenerama(tza)ten zerama(tza)ten

ZERGATIAK EMATEKO EGITURAK: azken esaldia

Goizean, gelan, ariketaren azken zatia zuzentzeko astirik ez dugu izan. Horregatik, hemen daukazue azken esaldia nola berridatzi behar den. Lehenik, egizue begiratu gabe. Ondoren, zuzendu:

1. Gaizki esaka hasi naiz, izan ere, oso haserre nago. IZAN ERE

2. Gaizki esaka hasi naiz, oso haserre bainago. BAIT-

3. Gaizki esaka hasi naiz, oso haserre nago eta. ETA

4. Gaizki esaka hasi naiz oso haserre nagoelako. -ELAKO

5. Oso haserre nago, horregatik, gaizki esaka hasi naiz. HORREGATIK

6. Gaizki esaka hasi naiz: oso haserre nago. :

ANIMO BIHARKO KONTROLERAKO! 

Lehenengo unitateko abestiak

Hona hemen gure gelakideek lehenengo unitatean grabatutako abestiak.

Ezagutzen al dituzue euren ahotsak? Saiatu taldeetako kideak nortzuk diren asmatzen! Findu belarriak eta... ondo pasa, mahaspasa!

Esan, zein gustatu zaizue gehien?

2. ebaluaziorako EUSKARA irakasgaiko IRAKURGAIAK

Ebaluazio honetan primeran pasako duzu irakurtzen! Hiru liburuotatik BAT aukeratu:

1.           Maitasun sua. (Aitor Arana. Ibaizabal)

    
    Dokumentu historiko batean oinarrituta, 17 urteko bi gazteren istorioa kontatzen du. Sutan hil zituzten XIV. mendean, homosexualak izateagatik zigortuta. Gaztetxo batek irakurtzen du istorio hori, eskolarako lan bat prestatzen ari dela. Garai bitan gertatutakoa eta egoera batean antza duten bi istorioen narrazioa.

2.           Smara. (Paula Carballeira. Pamiela)

Smara ume batek Saharara egindako bidaia baten historia da. Bertan, amona Ugago ezagutuko du, hots, hiria arrotz sarkinetatik babesteko gaitasuna izan duen azti ahaltsua. Ugagok bere herriaren istorioak kontatuko dizkio, Hodeien seme-alaben istorioak.

3.           Nur eta denboraren liburua. (Toti Martinez de Lezea, Erein)

Uda hasi da eta euria ari du atertu gabe. Oporrak dira, jolaserako garaia, baina, eguraldi honekin, Nurrek eta haren lagunek ez dakite zer egin jostatzeko. Amamak esanda, liburu bat hartzen du apaletik, Denboraren liburua; liburu trokelatu bat da, Nurren arreta erakartzen du eta, magiaz bezala, Erdi Arora, Robin Hooden eta Lady Marianen garaietara eramaten ditu.

Ongi etorri!

DBH 1A gelako ikasleak gara. Ongi etorri gure blogera! EMAIOGUN ELKARRI BIZI(HI)TZA!